طريقة عمل الحواوشى

أكيد نفسك بترحله لما بتشمي رحته التي لا تقاوم بس اكيد بتاخافي تأكليه من بره.. ولا يهمك طريقته سهلة جدا..

المقادير:

• لحم مفروم (الكمية حسب عدد الأفراد)

• بصل (نفس كمية اللحم)

• فلفل مطحون

• ملح

• كزبرة

• فلفل رومي

• خبز بلدي

الطريقة:

تقطيع البصل ولازم كمية تكون كبيرة عشان الطعم بتاع برة وبعدين تضربي البصل في الخلاط تنعميه بس وتقطعي الفلفل الرومي قطع صغيره وتضيفى الملح والفلفل والكزبرة حسب المذاق. حطى اللحم على المكونات السابقة ثم اتركيه لمدة ساعة.

جهزي العيش البلدي وياريت يكون لسه طازة؛ افتحيه وحطي اللحمة وهي نيه جواه؛ جهزي العدد إلي يكفي أسرتك.

؛من الأفضل انه يتعمل على البوتوجاز من فوق مش في الفرن؛ جهزي صينية مدهونة بزيت وضعي رغيف رغيف وغطيه واتركيه عشر دقائق على كل وجهه؛ ثم ارفعي الرغيف لا تزيد مدة وجوده على النار عن هذه المدة على نار هادئه جدا. هذه الفتره كافيه لنضوج الأرغفه ولتصاعد رائحة الحوواوشي المميزه اللذيذه.

قدمي الحوواوشي مع أطباق السلطة الخضراء وطرنشات الطماطم بالثوم وطبق الطحينة مع إضافة قليل من الخل مع الماء أثناء تجهيزها.

جربي هتلاقي طعمه ألذ وأطعم من الحوواوشي بتاع المحلات؛ بس أحلى حاجة فيه انه لازمُه لمّة حلوة عشان تحسي بطعمه.

جرّبي وقوليلي رأيك.